تھائیرائیڈ کی انفیکشن اور حل

    تھائیرائیڈ کیا ہے؟ 

تھائیرائیڈ ہماری گردن میں سامنے کی طرف تتلی کی شکل کا ایک چھوٹا سا غدود ہے۔ اس کا کام ایسے ہارمونز بنانا ہے جو ہمارے جسم کے کام کرنے کی رفتار یعنی میٹابولزم کو کنٹرول کرتے ہیں۔ جب یہ غدود ضرورت سے زیادہ کام کرنے لگے یا سست ہو جائے تو صحت کے مسائل پیدا ہوتے ہیں۔

 تھائیرائیڈ کی دو بڑی قسمیں اور ان کی پہچان

 تھائیرائیڈ کی کمی (سستی) اس صورت میں جسمانی نظام سست پڑ جاتا ہے۔ انسان ہر وقت تھکا ہوا اور سست محسوس کرتا ہے۔ بغیر زیادہ کھائے وزن تیزی سے بڑھنے لگتا ہے، قبض کی شکایت رہتی ہے، جلد خشک ہو جاتی ہے اور بال گرنے لگتے ہیں۔ ایسے مریض کو سردی بھی زیادہ لگتی ہے۔

 تھائیرائیڈ کی زیادتی (تیزی) اس میں جسمانی نظام ضرورت سے زیادہ تیز ہو جاتا ہے۔ وزن تیزی سے کم ہونے لگتا ہے، دل کی دھڑکن بڑھ جاتی ہے اور ہاتھ پاؤں کانپنے لگتے ہیں۔ مریض کو بہت زیادہ پسینہ آتا ہے، گرمی برداشت نہیں ہوتی اور طبیعت میں چڑچڑاپن آ جاتا ہے۔ 

 بیماری کی وجوہات غذا میں آیوڈین کا توازن بگڑنا، مسلسل ذہنی تناؤ، موروثی اثرات یا جسم کے مدافعتی نظام کی خرابی اس مرض کی بڑی وجوہات ہیں۔ طبی نقطہ نظر سے جسم میں رطوبت، خشکی یا حرارت کا غیر متوازن ہونا ان مسائل کو جنم دیتا ہے۔ دیسی اور قدرتی علاج خشک دھنیا تھائیرائیڈ کے مریضوں کے لیے خشک دھنیا ایک بہترین قدرتی تحفہ ہے۔ دو چمچ دھنیا ایک گلاس پانی میں ابال کر جب پانی آدھا رہ جائے تو نہار منہ پینا بہت فائدہ مند ہے۔

 ناریل کا تیل اور اخروٹ ناریل کا تیل 

جسم کی سستی دور کر کے میٹابولزم کو بہتر بناتا ہے۔ اخروٹ غدود کی سوزش کم کرنے میں مددگار ثابت ہوتا ہے۔ السی کے بیج السی کے بیجوں کو ہلکا بھون کر پیس لیں اور روزانہ ایک چمچ استعمال کریں۔ یہ غدود کی کارکردگی کو متوازن رکھنے میں مدد دیتے ہیں۔ کچنار کچنار کی چھال خاص طور پر گردن کی رسولیوں اور تھائیرائیڈ کی گلٹھیوں کے لیے صدیوں سے آزمودہ علاج ہے۔

 قانونِ مفرد اعضاء کے مطابق تشخیص و علاج

 حکیم صابر ملتانی رحمۃ اللہ علیہ کے نظریے کے مطابق تھائیرائیڈ کا علاج نبض کی تشخیص کے بعد ہی ممکن ہے۔

 اگر جسم میں تری اور بلغم زیادہ ہو (اعصابی تحریک) جس سے وزن بڑھ رہا ہو، تو خشک گرم اشیاء (لونگ، دار چینی، جلوتری) سے علاج کیا جاتا ہے۔

 ۲۔ اگر جسم میں خشکی اور تیزابیت بڑھ جائے (عضلاتی تحریک) اور گردن پر گلٹھی بن جائے،

 تو گرم خشک اشیاء (اجوائن، تیز پات، رائی) سے خشکی ختم کی جاتی ہے۔ ۳

۔ اگر جسم میں گرمی اور صفراء کی زیادتی ہو (غدی تحریک) جس سے وزن گر رہا ہو، تو

 تر گرم اشیاء (سہاگہ، ملٹھی، ریوند خطائی) سے حرارت کو اعتدال پر لایا جاتا ہے۔

 ضروری احتیاط کوئی بھی علاج شروع کرنے سے پہلے خون کا ٹیسٹ (TSH) کروانا اور کسی ماہر معالج سے نبض دکھانا بہت ضروری ہے تاکہ مرضکی درست قسم کے مطابق دوا کا انتخاب کیا جا سکے۔